Danfulis Excel

Hordhaca:

Danfulis Excel waxaad ku baran doontaa, aaladda Microsoft Excel., iyada oo Soomaaliyaysan, isla markaana wax walba loo dhigay loona dhahay hab i tus oo taabsii ah. Shaqaalaha dawladaha, kuwa hay’adaha, kuwa shirkadaha, ganacsatada iyo cid walba oo u baahan in ay xogaha culus iyo xisaabaha si fudud oo farsamo sare leh u maamulato, ayaa loo diyaariyay Danfulis Excel. 

Hiigsi:

Hiigsiga Danfulis Excel waa in Soomaalida loo sahlo barashada Excel.

Farsamada:

Si Soomaalida loogu sahlo barashada Excel, wax walba waxay u dhiganyihiin, una dhahanyihiin hab Soomaaliyaysan, isla markaana i tus oo I taabsii ah. Hawl walbana waxay ka billaabataa ka shaqaynta tusaalaha.

Ujeedooyinka:

1. Sare U Qaadidda Farsamada: Dadka in lagu carbiyo farsamada iyo fududaynta hawlaha.
2. Kobcinta Nolosha: Hannaaninta iyo turxaan bixinta hawlaha si loo gaadho badhaadhe.
3. Fahmo Siinta Dadka: In wax walba laga dhigo i tus oo i taabsii si ay dadku wax u fahmaan.
4. Dallacsiinta Hawl-wadeennada: Siinta hawl-wadeennada xirfado sare si ay ugu furmaan albaabo cusub.
5. Gacanta Siinta Bulshada: In si joogto ah bulshada gacan looga siiyo hawlaha farsamada iwm.

Habraaca:

1. Hawadinta: in ardada laga joojiyo haasaawaha, isla markaana ay faraha la galaan waxa ay baranayaan.
2. Wadar Daadihinta: In dadka loo furo albaabada si ay u kororsadaa xirfad iyo farsamo.
3. Hal-Abuurka: in mar walba uu jiro curis iyo maan tuujis si loola jaan qaado casriga iyo isbaddelka nolosha, gaar ahaan waxa ku cusub caalamka Excel.
4. Hormarinta: In mar walba maanka lagu hayo hormarinta hawl-wadeenka.
5. Horseednimada: Waxaan mar walba ku dadaali doonnaa in aad qanacdaan.

Danfulis Excel Maxaa Loogu Xishaa?

Waxyaabaha Danfulis Excel loogu xisho waxaa, waxaad naga heli doontaa:

• Agab dhammaystiran sida muuqaallo hufan, buug kala dhig dhigan, Excel-llo diyaarsan
• Tusmooyin taabanaya meesha ay fartu saarantahay ee aad baahida ka dareemayso.  
• Gacan qabasho iyo caawin toos ah intii karaan ah 24/7.
• Cashirro isugu jira muuqaallo, buug, iyo feegaarro dhammaantood i tus oo i taabsii ah.
• Tusaalayaal Soomaaliyaysan oo dhammaantood lawada fahmi karo.
• Koorso u dhiganta ama tababar u dhigma qiima kasta oo aad bixiso.

Danfulis Excel waa wehelka shaqada iyo shaqaalaha; waana furaha farsamada iyo fududaynta hawlaha. Marna ha ka walwalin qiimaha aad bixinayso, waayo xirfad iyo farsamo aad kororsatay waa maalgalin aad naftaada ku samaysay oo aadan marna ku khasaaraynnin, waadna u aayi doontaa Eebe idamkii.

Askunka Danfulis Excel

Danfulis Excel wuxuu ku dhisanyahay farsamo fadhida oo 15 jirsatay. Wuxuu ka soo askunmay meel hoose muddo hore – 2009. Tababaraha Danfulis Excel wuxuu soo aflixiyay bulsho  kala jaad ah sida ganacsato yaryar, shaqaale dawladeed, kuwa hay’adeed, kuwo shirkadeed, macaahid iyo jaamacado, iskuullo, xarumo caafimaad iyo MCH-yo iyo bulsho badan.

Danfulis Excel, mar walba wuxuu qaabilsanaa fulinta danaha bulshada ee dhanka xisaabaadka, xisaab dhawrka, farsamada, hawl-fududaynta, kala shaandhaynta xogaha culus iwm; walina sidii ayay wax walba u yihiin “i tus oo i taabsii”.

Tababaraha Danfulis Excel:

• Wuxuu muddo 15 sano ah carbinayay bulshada Soomaaliyeed.
• Meelaha sida gaarka diiradda u saaray waxaa kamid ah tababar siinta iyo Excel u’dhisidda:
  • Ganacsiga guud ahaan (sanadaqaha, carwooyinka, dukaamada jumlada iwm)
  • Shaqaalaha Hay’adaha (NGOs), kuwa dawladaha, kuwa shirkadaha iyo bangiyada
  • Iskuullada, macaahidda iyo jaamacadaha si u maamushaan xogohooda iyo xisaabaad kooda.
  • Goobaha caafimaad, isbitaallada iyo farmashiyayaasha.
• Wuxuu boqollaal xisaabaad iyo xogo culus oo qulbanaa u baddelay kaalay iska arag.

Kusaabsan Tababaraha

Tusmada
Magaca: Mohamud Abdisamad Hared
Telefoon: +251915000520 / +251931331136
Email: soodir@outlook.com | maalhared@gmail.com
Deegaanka: Godey, DDS, Ethiopia

Sooyaalka iyo xirfadda
Tababaruhu wuxuu 1^dii August 1985, ku dhashay baadiyaha magaalada Wardheer, gobolka Doollo, DDS, Itoobiya

Kasmada: Naqshadaynta ku shaqaynta Xisaabaadka iyo Excel mudo 18 sano ka badan.

Waxbarashada

• Sh/Heerka 2aad – Xisaabaadka, Jaamacadda SIMAD, www.simad.edu.so
• Sh/Heerka 3aad – Dhaqaalaha iyo Bangiyada, Al-Huda CIBE, www.alhudacibe.com

Buugaagta Uu Qoray

• DANFULIS Excel Book (Somali) – Editions: 2018, 2020, 2024
• Xisaabaadka (Simplified Accounting Book) (Somali) – Editions: 2015, 2018, 2019, 2022
• Xisaab Dhawrka (Simplified Bookkeeping) (Somali) – Editions: 2021, 2024
• Qoraa Kaab Word Processor (Somali) – Edition: 2017
• Lama-Huraan Typing Latin (Somali) – Edition: 2018